Â鶹Éç

Mae'r ebol dyflwydd Adran D (Cob Cymreig) yma wedi ennill gwobrau cyntaf yn Sioe Bridwyr Merlod a Chobiau Cymreig, Llanbedr Pont Steffan a Glan Usk - y ddwy Sioe bwysicaf o'u bath yng Nghymru, a hynny sylwer yn nghadarnleoedd y Merlod a Chobiau Cymreig.

Yn Sioeau Merlod a Chobiau Ynys Môn a Chlwyd roedd yn Bencampwr y Stoc Ifanc Adran D. Eto ym Mhrimin Môn daeth Trefaes Black Flyer yn gyntaf yn ei ddosbarth ac yn Bencampwr y Stoc Ifanc.

Dyma record anhygoel a chlod mawr i Alun Hughes chwim ei droed am ei arddangos mor gelfydd yn y sioeau yma, ac i Tom am ei baratoi mor dda.

Perchnogion yr ail geffyl ydi Robert a Llinos Davies, Hendre, Llanffinan, ac enw eu stalwyn Adran D ydi Gwenllian Deio sydd yn wyth mlwydd oed.

Tom ac Alun Hughes fu'n gyfrifol am baratoi'r stalwyn arbennig yma ar gyfer Sioeau'r haf, ac fe gawsant lwyddiant rhyfeddol. Yn Sioe Fawr Llanbedr Pont Steffan daeth Gwenllian Deio yn gyntaf yn ei ddosbarth ac yn Bencampwr y Sioe - llwyddiant anhygoel i stalwyn o Ogledd Cymru. Yn yr un modd daeth yn gyntaf yn ei ddosbarth yn Sioe Feirch Glan Usk ac yn Bencampwr y Sioe.

Yn Sioe Frenhinol Cymru daeth yn gyntaf yn ei ddosbarth ac fe gafodd yr ail wobr fel y March Gorau yn y Sioe. Mae ennill yn y Sioe Frenhinol Gymreig yn rhoi statws byd eang i'r stalwyn yma.

Ym Mhrimin Môn daeth yn gyntaf yn ei ddosbarth ac yn Bencampwr yr adran.

Mae'r llwyddiannau hyn bron yn anhygoel i farch o Ogledd Cymru.

Llongyfarchiadau i Robert a Llinos y perchnogion, a hwy yw'r cyntaf i ddatgan eu gwerthfawrogiad i Tom ac Alun Hughes am eu paratoadau gofalus ac i Alun am arddangos y stalwyn ar ei orau.