Aed ati i edrych a fyddai trefnu ocsiwn yn bosibl!Mae'r paratoadau ar gyfer y noson ddiddorol yma bron wedi eu cwblhau - ac mi fydd hi'n noson dda! Mae pethau'n dod i'w lle yn rhyfeddol, diolch am gydweithrediad a haelioni cymaint o ffrindiau ar hyd a lled Ynys Môn. Diolch i bawb!
Yn barod, cafwyd llawer o addewidion gwahanol a difyr, er enghraifft - Gweithiau Celf gan nifer dda o'n harlunwyr amlycaf. Sgŵp! Beth am awr o daith awyr o gwmpas Ynys Môn - o faes awyr Mona. Cawsom hefyd addewid o rodd gan Robin McBryde a'i ffrindiau yn sgwad Rygbi Cymru ac mae yna ddiwrnod i ddau yn ffilmio ar set cyfres Rownd a Rownd a chael bod yn ecstras!
Be am daith bysgota i chi a ffrind, neu fordaith i ddau o gwmpas Ynys Seiriol? Os ydi'n well gennych chi gael eich troed ar dir sych, beth am wers(i) golff? Yn ogystal mae yna docynnau fydd yn prynu blodau hyfryd yn rhoddion, tocyn teulu ir Pili Palas yn Borth, ffotograffau wedi eu fframio.
Mae yna hefyd swperau i ddeuoedd mewn gwestai, trin gwallt gydag arbenigwyr a hefyd gallwch brynu nifer o docynnau Cyngherddau, nwyddau wedi eu llofnodi, nwyddau i'r tŷŵ, bwydydd, diodydd, ornaments ... ac mae'r rhestr yn dal i dyfu!
Tybed oes gennych chi, efallai, rywbeth bach a allai werthun syfrdanol? Os mynnwch, gallwch roi pris roi pris cadw (reserve) arno fo. Iawn? Pe bai gennych rodd i'w gynnig, ffoniwch Swyddfar Eisteddfod yng Nglanllyn (01678) 541013 cyn 3 Mawrth gan ddweud eich bod eisiau sôn am Ocsiwn y Gwanwyn. Diolch diffuant iawn ymlaen llaw.
Bydd y noson yn cychwyn am 6 o'r gloch yng Ngwesty Carreg Brân rhwng y Borth a Llanfairpwllgwyngyll ar nos Iau, 11 Mawrth. Mi fydd gennych chi awr i weld be sydd o dan y morthwyl, ac yna am 7 o'r gloch mi fydd yr Ocsiwn yn cychwyn, dan drefn a chyda cydweithrediad caredig yr Arwerthwyr proffesiynol, Cwmni Morgan Evans, Llangefni a'r Gaerwen.
Cofiwch wneud nodyn o'r digwyddiad yn eich dyddiadur - soniwch wrth bawb a allai fod â diddordeb a dewch draw am fargen, am gyfle i gael rhywbeth gwerthfawr neu jest i gael hwyl yn codi (yn bidio) yn erbyn eich ffrindiau! Mae andros o foddhad i'w gael o allu codi arian a chael hwyl wrth wneud hynny! Gwelwn ein gilydd yng Ngharreg Brân ar 11 Mawrth!
Ìý
