Â鶹Éç

A hynny er gwaethaf ymbil gweddill yr Hogia a'r arweinydd Ilid Anne Jones gan fod ei lais cystal ag erioed.

Felly dyma drefnu noson i'w anrhydeddu ar 1 Ebrill 2010 gyda'r Hogia a gwragedd yn bresennol, yn Ysgoldy Capel Mawr Porthaethwy lle mae'r Hogia yn ymarfer bob nos Iau.

Llongyfarchwyd Elwyn gan Rhys Jones, cadeirydd yr Hogia, ac yna gan Hywel Wyn Owen ar ffurf penillion, a gan Gwilym Williams hanesydd y côr a oedd wedi llunio albwm arbennig o luniau yn cofnodi gwahanol gyfnodau yn hanes yr Hogia.

Roedd ysgrifennydd y côr, Edward Evans, wedi trefnu cael tlws gwydr arbennig gyda tharian y côr wedi'i thorri arni a'r geiriau 'Elwyn Edwards, aelod ffyddlonaf Hogia'r Ddwylan 2009'.

Fe gyflwynwyd y tlws i Elwyn gan Ilid Anne Jones, ac yna, cyflwyno torch o flodau hardd i Ceri i gydnabod 60 mlynedd o briodas Elwyn a Ceri eleni.

Y gorchwyl mwyaf pleserus wedyn oedd cyhoeddi hod Elwyn wedi'i ethol yn aelod anrhydeddus am oes o Hogia'r Ddwylan.

Fe ymatebodd Elwyn yn hwyliog a ffraeth.

Cyfeiriodd at gychwyn y côr fel parti cerdd dant gyda rhyw hanner dwsin yn dod at ei gilydd yn nhŷ Elwyn a Ceri gyda Ceri yn cyfeilio.

Soniodd am sawl tro trwstan ac atgofion o adegau gwahanol.

Ond yn bennaf pwysleisiodd y mwynhad a'r cyfeillgarwch a'r hwyl a gafodd o berthyn i Hogia'r Ddwylan.

Wrth gymeradwyo, fe safodd yr Hogia ar eu traed fel arwydd o'u gwerthfawrogiad o aelod a chanwr arbennig iawn.

Yn ôl dymuniad Elwyn, fe oedd yn rhoi cyfle iddo ymuno unwaith yn rhagor air baritons, un darn cerdd dant i atgoffa pawb o gychwyn y parti a'r llall yn ddarn diweddar oedd a lle amlwg i'r baritons!

Roedd hynny hefyd yn gyfle i Gwenfyl, merch Elwyn a Ceri, a ddaeth i fyny o Gaerdydd yn arbennig i'r achlysur, glywed ei thad yn disgleirio.

Wedi'r areithio, bwyd. Roedd John Parry wedi darparu digon o fwyd am 44 mlynedd arall, diolch i'w fedrusrwydd ef ei hun a'i griw parod o wragedd yr Hogia.

Achlysur teilwng i aelod haeddiannol.