Â鶹Éç

Cafwyd cryn lwyddiant yn y byd barnu stoc yn Ffair Aeaf Builth.

Daeth Sian Roberts yn gyntaf am farnu ŵyn.

Cafwyd noson dda iawn o gemau dan do dan ofal Clwb Bodedern ac aelodau Llangefni ddaethi'r brig gyda Bodedern yn ail a Dwyran a Phenmynydd yn gydraff drydydd.

Yn dilyn cyfres o gystadlaethau siarad cyhoeddus sirol drwy gydol y flwyddyn daeth cystadleuaeth Cymru yn Nhywyn, Meirionnydd a daeth y tim 14 oed a iau yn fuddugol sef Non Williams ac Ynyr Williams o Glwb Bodedern ac Elin Rowlands o Glwb Llangefni.

Daeth y wobr am brif siaradwr hefyd i Non.

Daeth y tim 26 oed a iau, Aled Thomas, Llinos Parry, a Martin Roberts o Fodedern, Elin Wyn Jones o Langefni a Fiona Bridle o Benmynydd, yn drydydd gyda pherfformiadau lliwgar iawn yn y gystadleuaeth Siarad ar ôl cinio.

Mae'r aelodau i gyd yn edrych ymlaen erbyn hyn at gyfnod y Rali fydd ar Fali 8fed ar safle Sioe Môn.

Rydym yn gobeithio y bydd pawb sydd wedi bod yn aelod o'r Mudiad yn y gorffennol yn ymuno gyda Clwb CAFFI sef Cyn Aelodau Ffermwyr Ifanc.

Bydd y Clwb yn cyfarfod tua tair gwaith y flwyddyn gyda'r bwriad o gymdeithasu ond hefyd i helpu'r aelodau ifanc.

Bydd y cyfarfod cyntaf yn Cartio Môn Bryngwran ar Ebrill 9fed.