Â鶹Éç

Roedd y gefnogaeth yn arbennig a gwnaethpwyd £1,050. Rydym yn ddiolchgar iawn i bawb am eu cyfraniadau hael.

Roedd yna brysurdeb mawr o gwmpas y stondinau ac yr ydym yn ddyledus i lawer o ffrindiau oedd yn barod i gynorthwyo aelodau o'r Pwyllgor.

Yn absenoldeb ein Llywydd, Mari, diolchwyd i bawb gan Meriel a chydymdeimlodd a Mari yn ei phrofedigaeth o golli ei chwaer.

Mynegodd hefyd ddiolchgarwch y Pwyllgor i Asda, Co-op, Morrisons, Somerfield a Tesco am eu rhoddion o wyau Pasg i'w defnyddio yn 150 o gywion bach lliwgar oedd Gwyneth wedi eu gwau.

Mae bob un wedi gwerthu a mae hyn wedi bod yn gyfraniad derbyniol iawn at ein ymgyrch.

Croesawyd Mrs Ruth Owen, ein Ymgynghorydd a Dr Jeremy Jones o Adran Rheumategol, Ysbyty Gwynedd, sydd bob amser yn gefnogol.

Mae Ruth yn llawn egni ac yn brysur yn trefnu abseil i lawr adeilad Liver, Lerpwl, a Devil's Gorge Loggerheads yn ogystal a thaith gerdded yn ardal Llangollen a Ras y Ddraig ar yr afon yn Gaer - i gyd yn weithgareddau noddedig.

Beth amdani, ddarllenwyr Papur Menai. Os oes rhywun efo diddordeb, cysylltwch a Mrs Ruth Owen ar 01492 518760.