Ymhle cawsoch eich geni a lle rydych wedi byw?
Cefais fy ngeni yn Hwlffordd, Sir Benfro, gan fyw yng Nglanaman, Prestatyn a Chydweli cyn symud i Aberystwyth yn 3 oed. Gan fod fy nhad yn gweithio gyda'r Eisteddfod Genedlaethol ar y pryd, roedd y trulu i gyd yn symud o ardal i ardal. Yn Aberystwyth y cefais fy magu, ac er i mi fyw am bron i ddeng mlynedd yng Nghaerdydd ar ôl priodi, symudais yn ôl i Geredigion bedair blynedd yn ôl, i fyw ym Mlaenplwyf.
Rhowch fraslun o'ch gyrfa.
Wedi gorffen yn y coleg, dechreuais wirfoddoli gyda Radio Ceredigion, a hynny pan oedd yr orsaf yn ei blwyddyn gyntaf, yn darlledu o'r cabanau dros dro yn yr hen Ysgol Gymraeg. Yna bûm am gyfnod gyda'r Â鶹Éç yn Abertawe, cyn cael swydd yn cynhyrchu trêls rhaglenni yn S4C. Erbyn hyn rwy'n gweiihio fel cyfieithydd o'm cartref.
Beth yw eich diddordebau?
Rwy'n hoff o gerdded ar hyd llwybr yr arfordir yng Ngheredigion a Sir Benfro, ac yn cadw'n heini drwy ioga a nofio. Rwyf hefyd yn aelod o gôr ABC.
A oes rhyw ddigwyddiad wedi pen embaras i chi?
Do, llawer, ond does gen i ddim awydd sôn am hynny!
A ydych yn mwynhau teithio? Pa ran o'r byd sydd orau gennych a phaham?
Rwyf wrth fy modd yn teithio, ac wedi crwydro yn Ewrop, gogledd, canolbarth a de America, Asia ac Affrica. Y profiad gwaethaf oedd cyrraedd Luxor, yr Aifft ar ddiwrnod ymosodiad terfysgol pan laddwyd nifer fawr o ymwelwyr. Y profiad mwyaf anhygoel oedd taith gerdded yn Nepal, at droed Everest. Ond fy hoff ran o'r byd, wrth gwrs, yw cartref fy nheulu yn Gaiman, Patagonia, ac rwyf wrth fy modd yn mynd yno. Gobeithio y gallwn fynd yno eleni eto.
Beth yw eich hoff dasg o amgylch y tÅ·?
Dydw i ddim yn hoff iawn o unrhyw dasgau o amgylch y tÅ·, a bod yn onest, and y gwaethaf un yw glanhau'r carped. Pan oedd y plant yn dechrau dysgu siarad, `peiriant Dad' oedd eu henw ar y peiriant glanhau carped - sy'n dweud y cyfan!
Garddio neu drip I'r archfarchnad? Pa un sydd orau gennych a pham?
Rwyf wrth fy modd yn siopa (er nad archfarchnad fyddai'r dewis cyntaf), ac yn medru lladd bob planhigyn sy'n dod yn agos ataf - felly does dim cystadleuaeth!
Ìý
