Â鶹Éç

Mae'r gystadleuaeth yn un o uchelfannau'r flwyddyn i S4C, ac mae'r rhaglen ymhlith y rhai mwyaf poblogaidd ar y sianel.

Cystadleuaeth frwd

Cyflawnodd y ddau gryn gamp a chofio bod 120 o ganeuon wedi eu hanfon i'r gystadleuaeth cyn tynnu rhestr fer o wyth ar gyfer eu perfformio ar y noson yn Venue Cymru, Llandudno.

Yn ogystal a'r tlws trawiadol a welir yn y lIun, derbyniodd y ddau siec am £10,000.

O nerth i nerth

Mae Lowri ac Elfed wedi bod wrthi'n cydweithio ar gyfansoddi caneuon ers tro bellach. Datblygodd y cyfansoddi ar y cyd pan oedd Elfed yn ddisgybl i Lowri yn Ysgol Brynrefail, a hithau'n athrawes yn Adran y Gymraeg yno.

Cyfansoddi caneuon ar gyfer sioeau cerdd yr ysgol oedd y cychwyn, ac aeth y cyd-gyfansoddi o nerth i nerth. Erbyn hyn mae Elfed yn athro Cymraeg yn Ysgol John Bright, Llandudno.

Partneriaeth lwyddiannus

Mae'r bartneriaeth greadigol wedi taro deuddeg o'r blaen.

Roedden nhw eisoes wedi ennill cystadleuaeth Carol Nadolig S4C ddwywaith, ac wedi dod yn ail yng nghystadleuaeth Can i Gymru yn 2005 gyda'u can 'Mewn Ffydd'.

Goreuon y Gwledydd Celtaidd

Dymunwn yn dda i'r ddau pan fydd 'Gofidiau' yn cael ei chlywed yng Nghystadleuaeth yr Å´yl Ban-Geltaidd yn Iwerddon ym mis Ebrill.

Cynhelir yr ŵyl yn Donegal eleni, ac fel rhan o'r ŵyl bydd cyfansoddwyr a pherfformwyr o'r gwledydd Celtaidd yn cystadlu'n erbyn eu gilydd eto caneuon yn eu hieithoedd eu hunain.

Gobeithio'n fawr y bydd 'Gofidiau' yn troi'r achlysur yn ddydd o lawen chwedl i Gymru, Dyffryn Ogwen a Deiniolen.