Â鶹Éç

Mae Archif Ffilm Cymru yn chwilio am y ffilm hynaf am yr Eisteddfod Genedlaethol.

Y ffilm hynaf sydd gan yr Archif ar hyn o bryd yw un, munud a 33 eiliad o orymdaith yr Orsedd a'r Archdderwydd Elfed yn coroni Wil Ifan yn 1925.

"Byddai canfod ffilm hÅ·n na 1925 o'r Eisteddfod Genedlaethol yn hynod o werthfawr a diddorol i gasgliad Archif Genedlaethol Sgrin a Sain Cymru," meddai'r cynhyrchydd a chyfarwyddwr John Hefin.

Gall fod yn waith camera amatur neu broffesiynol.

"Mae'n siŵr gen i fod yna ffilm, neu ddarn o ffilm coll, allan mewn llofft neu hen archif yng Nghymru neu du hwnt. O gofio i'r Eisteddfod ymweld â Phenbedw yn 1917, efallai bod ffilm i'w chael yn ardal Lerpwl, hyd yn oed," meddai

Gwnaed yr apêl pan lansiwyd gŵyl ffilm Fflics, sydd i'w chynnal yn Aberystwyth, ar stondin y Llyfrgell Genedlaethol gan yr actores Nia Roberts, seren Solomon a Gaenor .

Cynhelir 'Fflics - Clasuron Sgrin Cymru' ar y cyd gan Archif Genedlaethol Sgrin a Sain Cymru yn y Llyfrgell a Chanolfan y Celfyddydau Aberystwyth Hydref 2007.

Ymhlith uchel bwyntiau'r ŵyl bydd print adferedig o How Green was my Valley yn ogystal â'r ffilm fud y daethpwyd o hyd iddi, The Life Story of David Lloyd George.