Â鶹Éç

Mae hi'n byw bellach yn Nhrellech ger Trefynwy a phenderfynodd tair blynedd yn ôl i ddysgu Cymraeg. "Es i i Nant Gwrtheyrn am wythnos" eglurodd Helen "a nes i fwynhau y profiad yn fawr. Mae teithio yn rhan hanfodol o'm gwaith a dydy hi ddim yn hawdd i fynychu dosbarthiadau Cymraeg yn rheolaidd. Ond ceisiaf fynd allan i gymdeithasu cyn gymaint â phosib. Dwi'n gwrando a'r Radio Cymru yn enwedig Jonsi yn y bore, a S4C hefyd. Dwi'n hoff iawn o Dai Jones Llanilar a'i rhaglen Cefn Gwlad. Ym mis Mehefin eleni dechreuwyd apêl Tŷ Hafan ar S4C godi arian tuag at hospis plant Tŷ Hafan a Thŷ Gobaith. Sefydlwyd Tŷ Hafan ger Caerdydd tua phum mlynedd yn ôl ac yn barod mae hi wedi rhoi seibiant i lawer o blant difrifol sâl a'u teuluoedd. Bydd Tŷ Gobaith yn cael ei adeiladu yng ngogledd Cymru blwyddyn nesaf.

Ar hyn o bryd mae rhaid plant deithio dros y ffin oherwydd diffyg cyfleusterau lleol. Penderfynais i ymuno am wythnos â'r daith, ond roedd ofn arna i na allwn i gwblhau hyd yn oed un diwrnod o'r daith. Ond ges i groeso twymgalon oddi wrth bawb a wythnos fythgofiadwy. Cwrddais â lolo Williams a Heledd Cynnwal a llawer mwy. Un noson bm i heb lifft yn ôl i'm gwesty. "Gwnaf i fynd a chi nôl" dywedodd rhywun. Pwy? Dai Jones Llanilar. Roedd hi'n fraint i weld golygfeydd gorau Cymru ac ymweld â lonydd a phentrefi bach llawn cyfrinachau. Fe fydda i'n cadw'r atgofion melys am y daith am byth, a oedd wedi helpu bobl llai ffodus na ni"

Mae Helen wedi sylweddoli mai'r ffordd orau i feistroli'r iaith ydy trwy wynebu sefyllfaoedd yn y byd go iawn a cheisio siarad â phawb. Blwyddyn nesaf mae hi'n mynd am daith tair wythnos i Nepal, India. Efo pwy ? Grŵp o siaradwyr Cymraeg gan gynnwys Nia Parry cyflwynwraig y gyfres lwyddiannus "Welsh in a Week". Llongyfarchiadau mawr Helen.