|
Bu dros 4,000 yn ymweld â'r ŵyl y llynedd ac mae'r trefnwyr yn gobeithio denu mwy o stondinau a gwesteion arbennig eleni.
Bydd dau o gogyddion y byd teledu, Leslie Walters a James Martin, yn arddangos eu doniau coginio yn yr ŵyl.
Mae nifer o gynhyrchwyr lleol eisoes wedi cadarnhau eu presenoldeb yn yr ŵyl, fydd yn cael ei chynnal unwaith eto ym maes parcio Stryd Newydd yng nghanol y dref.
"Cafwyd ymateb positif gan ymwelwyr a busnesau yn yr Wyddgrug yn dilyn yr ŵyl gyntaf," meddai Greg Shanks, perchennog Gwesty Bryn Awel a Chadeirydd Cymdeithas Gwestai a Thai Bwyta'r Wyddgrug, trefnwyr yr ŵyl.
"Eleni mae rhagor wedi dangos diddordeb mewn cymryd rhan a gobeithio bydd presenoldeb cogyddion enwog yn denu rhagor o ymwelwyr i'r dref."
Ceir rhagor o wybodaeth am ŵyl 2007 ar y wefan: neu drwy ffonio 01352 758622 (estyniad 200).
 |
Ìý
