Â鶹Éç

Air 29mh den Lùnastal 1930 dh’fhàg na daoine mu dheireadh Hiort air bòrd a’ bhàta Harebell. A seo cluinnidh sinn bho dhithis bhràithrean a bha a'fuireach air Hiort airson trì bliadhna fhads a bha an athair ag obair ann - agus fear dhiubh a fhuair cothrom tilleadh ann bliadhnaichean às dèidh din

Rugadh an t-Urr Coinneach MacLeòid ann an Glaschu ach ‘s ann à Beàrnaraigh na Hearadh a bha athair, Seonaidh Dhòmhnaill Chaluim agus a’ mhàthair Ceit, às an Òb sna Hearadh. Cha robh Coinneach ach na chnapach nuair a bhàsaich a mhàthair, bha a bhràthair Ailig John rud beag na bu shine agus a phiuthar Criosaidh na leanaibh agus thug an athair a theaghlach òg dhachaigh a Bheàrnaraigh far an robh dlùth chàirdean aige fhathast.

Bha Seonaidh air an obair a bh’ aige a leigeil seachad, air a dhol air a mhisean agus air gabhail ri dreuchd miseanaraidh agus maighstir–sgoile ann a Hiort. Bha e cumanta gu leòr an dà dhreuchd a bhith an urra ris an aon neach ann an àitichean iomalach aig àm.

A seo bha Mairead NicIllFhinnein a’ seanchas ri Coinneach agus Ailig John mu na cuimhneachan a bh’ aca air an eilean air na chuir iad seachad trì bliadhna nam balaich òga a’ dol dhan sgoil.