Â鶹Éç

Anns an t-sreath seo, tha Coinneach Mac a’ Ghobhainn a’ bruidhinn mu fèin-aithne còmhla ri Gàidheil a tha a’ fuireach air taobh thall crìoch ùr an Aonaidh Eòrpaich bho dùthchannan an àraich. An-diugh tha e ann am Barcelona a-rithist còmhla ri Julie Anne NicChoinnich à Leòdhas.

Sna beagan bhliadhnaichean mu dheireadh tha strì eadar iadsan a tha airson neo-eisimeileachd fhaighinn do sgìre Chatalonia agus luchd-aonaidh na Spàinne air connspaid agus troimh-a-chèile poilitigeach adhbhrachadh sa Spàinn. Ach ciamar a tha muinntir Bharcelona – prìomh bhaile Chatalonia – a’ faireachdainn?

Sa phrògram sa tha Julie Anne gar toirt air cuairt gu na ceàrnagan far an robh còmhstri is ùpraid sna beagan bhliadhnaichean mu dheireadh: Plaça de Catalunya far am biodh na nàiseantaich Catalan a’ cruinneachadh agus Plaça d'Espanya far am biodh na nàiseantaich Spàinnteach a’ cruinneachadh. Tha Coinneach cuideachd a’ cluinntinn beachdan Catalanach, is ag ionnsachadh beagan mu mar a tha am baile brèagha seo air buaidh a thoirt air fèin-aithne Julie Anne.