Â鶹Éç

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

'S iomadh facal a chaidh a ràdh mu òl agus mu uisge-beatha ann an òrain Ghàidhlig agus tha an Dtr Iain MacAonghais air taghadh a dhèanamh air cuid dhiubh.

Tha 'Tha Buaidh air an Uisge-bheatha' agus 'Caraid agus Nàmhaid an Uisge-beatha air an gabhail le Mgr Uilleam MacMhathain, 'O bheir a-nall am Botal' air a sheinn Eddie MacRath, 'Ochoin a Righ gur e mi tha Muladach' aig An Dtr Ailean Dòmhnallach agus 'Òran an Uisge-beatha' aig Murchadh Caimbeul,

Aig Seumas CM Caimbeul tha 'Hugaibh air fear Donn a’ Bhealaich' agus 'A’ Chaora Chrom', dà òran mu phoitean dubha. 'S e òran mu bhith falach an uisge-beatha bho na gàidsearan a th' aig Nan NicFhionghain, Nan Eachainn Fhionnlaigh à Bhatarsaigh ann a 'Rugadh anns an t-sìol ann an ìochdar an t-sabhail thu'.

Agus airson crìoch a chuir air cùisean tha Dòmhnall Eòsaph MacFhionghain, An Eòsag a' gabhail 'Thoir a-nuas dhuinn am botal'.