Â鶹Éç

Anns an t-seirbheis seo cluinnidh sibh na sailm agus an leughadh a leanas:
Salm 46: 1-2 air fonn Stroudwater agus ‘s e Aonghas MacillEathain a tha os cionn na seinn le taic bho choitheanal Eaglais na h-Alb an Ùige, Leòdhas.
Salm 23: 5-6 air fonn Evan agus ‘s e Iain G Dòmhnallach a tha os cionn na seinn le taic bho choitheanal Àrd Eaglais Steòrnabhaigh.
Salm 24: 1-2 air fonn Torwood agus ‘s e Uilleam Mac a’ Ghobhainn a tha os cionn na seinn le taic bho choitheanal Eaglais na h-Alba ann am Barabhas.

Leughadh: Mata 18: 1-14
Ceann-teagaisg: Mata 18

Rugadh agus thogadh Ùisdean Stiùbhart anns an Rubha ann an Leòdhas. Mus deach e a leantainn dreuchd na ministrealachd bha Mgr Stiùbhart ag obair aig Roinn an Fhoghlaim aig Comhairle nan Eilean Siar. Nuair a bha e anns an obair seo fhuair e cothrom coinneachadh ri daoine air feadh nan eilean agus bha seo na chuideachadh agus taic mhòr dha agus e a’ leantainn a dhreuchd ùr.
Chaidh Mgr Stiùbhart a phòsadh ri coitheanal Eaglais na h-Alba ann an sgìr' Ùig is Bheàrnaraigh anns an Ògmhios 2008. 'S e coitheanal gu math mòr a th' ann a thaobh meud na sgìre agus àite far am faigh thu cuid de na seallaidhean as brèagha ann an Alba.

B' ann sa choitheanal seo a bha an dùsgadh bu mhotha a ghabh àite anns na h-eileanan anns na 1820an. Bha aithrisean ann gun robh mu 7000 neach a' frithealadh seirbheisean comanachaidh aig an àm sin.

Tha Mgr Stiùbhart pòsta aig Seonag Mhoireach agus tha aon bhalach aca, Teàrlach.