Â鶹Éç

Anns an t-seirbheis seo cluinnidh sibh na sailm agus an leughadh a leanas:
Salm 103: 12-13 air fonn Morven agus ‘s e Torcuil Macleòid a tha os cionn na seinn le taic cho choitheanal Eaglais Shaor Chrosboist.
Salm 113: 6-8 air fonn Dundee agus ‘s e Aonghas MacIllFhinnein a tha os cionn na seinn le taic bho choitheanal Eaglais na h-Alba air an Tairbeart.
Salm 40: 1-3 air fonn St David agus ‘s e Ailean Guinne a tha os cionn na seinn le taic bho choitheanal Eaglais Shaor a’ Chaoil.

Leughadh: Eòin 5: 1-15
Ceann-teagaisg: Eòin 5: 5-8

'S ann do sgìre Shiadair air taobh siar Eilean Leòdhais a bhuineas an t-Urramach MacLeòid. Dh' fhàg e an sgoil aig 15 agus chaidh e a dh'obair ann am bùth agus oifis puist an teaghlaich ann an Siadar agus bhiodh e a' siubhal le bhan timcheall bailtean an taobh siar eadar Gabhsann is Barabhas. Chaidh a' bhùth a reic agus chaidh esan air ais dhan sgoil. Chaidh e a Sgoil MhicNeacail agus às an sin chaidh e a dh'Oilthigh Ghlaschu mus tàinig e a-mach na mhinistear.
Bha e na mhinistear ann an sgìre Bheàrnaraigh ann an Leòdhas fad deich bliadhna. 'S e Beàrnaraigh a' chiad choitheanal a bh' aige às dèidh dha thighinn a-mach na mhinistear. Chaidh e an uairsin a dh’ Inbhir Ghòrdain far an robh e airson fichead bliadhna gus an do leig e dheth a dhreuchd ann an 2019.
Tha Mgr MacLeòid pòsta aig Kathleen agus tha triùir chloinne aca, Daibhidh, Màiri agus Rut.