Â鶹Éç

Rugadh am bàrd Dòmhnall Ailean Dòmhnaill na Bainich, Dòmhnall Dòmhnallach, ann an Dalabrog an Uibhist Deas ann an 1906.
Thòisich e ri bàrdachd na dheugaire agus lean e ris, chun na h-ìre agus gun choisinn e Crùn na Bàrdachd le 'Aiseirigh a' Bheachain' aig Mòd Dhùn Dèagh ann an 1959; bàrdachd a’ meòrachadh air obair nàdair ‘s e a’ coimhead, mar a thuirt e fhèin, ‘feachd’ sheillein trang am measg shìtheanan. Cha do rinn e mòran bàrdachd às dèidh sin ach tha còig deug air fhichead ri lorg ann a leabhar, Òrain Dhòmhnaill Ailean Dhòmhnaill na Bainich, a chaidh a dheasachadh leis a’ Chanan Iain Aonghas Dòmhnallach ann an 1999. Am measg nan òran as anmeile a rinn e tha Òran Uibhist agus Gruagach Òg an Fhuilt Bhàin.

Ann an 1988 chaidh Crìsdean Dillon a shealltainn air Dòmhnall an Inbhir Nis agus bhruidhinn iad air a bhàrdachd ann an doimhneachd.