Â鶹Éç

'S ann air fear a bha agus a tha fhathast gu mòr air bilean an t-sluaigh ann an Leòdhas a tha Flòraidh NicIlleEathain a' beachdachadh an-diugh. B’ esan Mac an t-Srònaich, fear a rinn mòran sgrios is milleadh is murt a rèir nan sgeulachd. Ag innse na sgeulachdan tha Coinneach Iain Mac a' Ghobhainn a bhuineadh do bhaile Iarsiadar ann an Leòdhas, duine aig an robh fìor eòlas is ùidh ann an eachdraidh is beul-aithris, agus bha e gu seachd h-àraid fiosrachail mu eilean àraich.

Shuidh iad air Cnoc an t-Sìthein Mhòir air iomall baile Iarsiadar, beanntan Uig air fàire, agus thòisich na sgeulachdan. Mar a bhios fios aig cuid agaibh tha iomadh sgeulachd air nochdadh thar nam bliadhnaichean mu dheidhinn Mac an t-Srònaich ach tha cunntas Choinnich Iain ag innse dhuinn nach ann a-mhàin ann an Leòdhas a bha e falbhan ach san Eilean Sgitheanach, anns na Hearadh, Gairbh agus Inbhir Nis.