Â鶹Éç

Chruthaich Pàdraig R. MacLeòid cuid de na puirt pìoba as aithnichte agus as ceòlmhor den 20mh linn. Ged a b’ ann à Ùig a bha e, chuir e a mhòr chuid de bheatha seachad ann an Glaschu, far an robh e ag obair anns na gàrraidhean-iarainn.

Chunnaic e seirbheis an iomadh àite ri linn a’ Chogaidh Mhòir, anns an Èipheit, san Àrd an Ear agus an aghaidh nan Turcach ann an Gallipoli. An dèidh dha tilleadh a Ghlaschu ann an 1919 fhuair e cuireadh fuireach san arm na Mhàidsear Pìoba air an ochdamh feachd den Rèisimeid ach dhiùlt e.

An dèidh tighinn sàbhailte tron Chogadh, ann an 1927 bha tubaist aige aig obair agus chaill e an dàrna cas. Ged a thìll e a dh’ obair as dèidh iomadh bliadhna, bha cràdh aige an còrr de bheatha. Ach a dh’ aoindeoin sin, chaidh aige air puirt mhìorbhaileach a dhèanamh, puirt leithid Dora MacLeod, John Morrison of Assynt House agus The Conundrum.

Anns a' phrògram seo tha Jo NicDhòmhnaill a’ bruidhinn ri feadhainn aig a bheil eòlas air ceòl Phàdraig agus air sgeuleachd a bheatha. Gheibh Jo cothrom cuideachd coinneachadh ri fear a bhiodh a’ faighinn leasain bhuaithe agus aig a bheil làmh-sgrìobhainn MhicLeòid.