Â鶹Éç

Anns an t-seirbheis cluinnidh sibh na laoidhean is na leughaidhean a leanas:
Ceòlraidh Ghàidhlig Ghlaschu a’ seinn Moladh Dhè
Muriel Urchardan a’ seinn O Nach Domhain Gràdh Gràsmhor Ìosa
Màiri Mhoireasdan a’ seinn Hosanna don t-Slànaighear
Criosaidh NicDhòmhnaill le ‘S e ‘n Tighearna Fhèin mo Chìobair
Julie Fowlis a’ seinn Do Làmh a Chrìosda

Leughaidhean:

Genesis 18: 1-2 & 9-14
Ecsodus 1: 1-2 & 2: 1-10
Lùcas 10: 38-42

Thàinig Siùsaidh NicDhonnchaidh (no Siùsaidh Algie, mar a bh' oirre mus do phòs i) dhan Eilean Sgiathanach bho chionn 25 bliadhna nuair a bha i sia bliadhna deug. Dh'ionnsaich i Gàidhlig an Ard-sgoil Phort Rìgh, 's chaidh i an uair sin gu Sabhal Mòr Ostaig. Bha i na neach-naidheachd air telebhisean agus rèidio airson 18 bliadhna , ag obair air prògraman leithid Telefios air Telebhisean Grampian agus Eòrpa is Aithris na Maidne air a' BhBC. Ghluais i a Shasainn ann an 2002 agus phòs i Mìcheal ann an 2005. Dìreach bliadhna às dèidh dhi pòsadh thàinig aillse broillich oirre, ach fhuair i seachad air.

Tha Siùsaidh air a bhith na Crìosdaidh fad 38 bliadhna, agus tha i ag ràdh "gu bheil Dia air rudan mìorbhaileach a dhèanamh" na beatha. Bha i fhèin agus an duine aice, Mìcheal, a' fuireach ann an Lunnainn fhad 's a bha Siùsaidh a' trèanadh airson na ministrealachd san Eaglais Bhaistich aig Colaiste Spurgeon.

Tha i a-nis stèidhichte ann am Poole ann an Dorset far a bheil i na ministear air Eaglais Bhaistich Longfleet.