Cliciwch yma i ddarllen adolygiad o Cerdded
"Pedwar bachgen ifanc o ysgolion Uwchradd Dyffryn Teifi a Llanbedr Pont Steffan sydd wedi dod ynghyd i greu band Roc a Rôl dwyieithog. Cewch ganeuon sydd yn croesi'r degawdau o Chuck Berry, Edward H. Dafis i Guns & Roses. Ond mae na fwy...
Swnami oedd enw gwreiddiol y band ond oherwydd y drychineb a ddigwyddodd yn 2004 penderfynodd y band i newid yr enw i CODA. Chwaraeodd y band nifer o gigs llewyrchus nes mis Mehefin, ond yn anffodus gadawodd y gitarydd blaen oherwydd ei fod yn chwarae mewn band arall, hefyd roedd eisiau dilyn ei steil ei hun o gerddoriaeth. Aeth nifer o fisoedd heibio ond yna ymunodd Owain â Dafydd, Steff ac Aled. Dyma ffurfio'r band ar ei newydd wedd.
Mae Dafydd, prif ganwr a chwaraewr yr allweddellau yn ysgrifennu ei ganeuon ei hun i'r band felly byddwch yn siŵr o gael gig gyda digon o amrywiaeth. Mae yna egni a brwdfrydedd yn y band yma gyda cherddoriaeth sy'n adlewyrchu hyn felly gallwch fod yn siŵr fod na noswaith o ddawnsio brwd a hwylus o'ch blaen.
Cwrdd â'r Band
Dafydd - canu, allweddellau a chyfansoddi
Hoff grŵp - Coldplay, Stereophonics
Hoff ganwr - Robbie Williams
Hoff ddiddordebau - Drama a Cherddoriaeth, Pêl droed, Rygbi ac yn dilyn gêmau'r Scarlets a Lerpwl
Mae Dafydd yn fachgen talentog ac yn cymryd rhan ym mhob math o weithgareddau. Aelod o sawl côr ac yn un o brif gymeriadau Panto Felinfach.
Fe ddaeth cân Dafydd 'Ar noson fel hon' yn agos i'r brig yn 'Cân i Gymru'. Mae'r gân hon yn rhan annatod o ganeuon y band.
Aled - "aelod mwya deinioadol y band"!
Aled oedd yr ysbrydoliaeth y tu ôl i ddechrau'r band gwreiddiol.Hoff grŵp - Stereophonics, Led Zepplin
Hoff ganwr - Kelly Jones
Hoff ddrymiwr - John Bonham
Hoff ddiddordebau - Chwarae yn y band, Pêl droed, Rygbi ac yn dilyn gemau'r Scarlets a Chaerdydd gyda Barry John fel ei arwr mwyaf.
Owain
Hoff Gitâr - Gibson Les Paul (Slash Custom).
Mae Owain wedi bod yn chwarae y gitâr ers pum mlynedd.
Hoff grŵp - Guns N' Roses
Hoff gitarydd - Slash a Eric Clapton
Hoff ddiddordebau - Chwarae gitâ, Gemau ar y cyfrifiadur enwedig y PC, PS2 a nawr y PSP.
Fe ddaeth Owain yn aelod o'r band ar ddiwedd mis Awst 2005 ar ôl i'w dad gwrdd â tad Dafydd a Steffan a dechrau siarad am ddiddordebau'r meibion.
Steffan
Hoff grŵp - Blink 182, The Killers
Hoff ddiddordebau - Chwarae'r gitâr bâs, Pêl droed a Rygbi, gyda Ray Gravell fel ei arwr o oes Euraid Cymru. Ym myd Pêl droed Ryan Giggs yw ei hoff chwaraewr.
Hoff gitarydd bâs - Dad "Fe ddysgodd popeth i fi ond nawr rwy'n well na fe. Hefyd rwy'n hoffi gwrando ar Mark Hoppus (Blink 182) a Mark Stoermer (The Killers) yn chwarae".
Gwybodaeth o
Nid yw'r Â鶹Éç yn gyfrifol am gynnwys gwefannau allanol.
Ìý
