Siop Rithwir Jack Brown- Preseli Penfro
Mae Karl Williams, cyn-osodwr prisiau cwmni Jack Brown yn llunio prisiau betio etholaethol ar gyfer y blog. Mae croeso i chi fentro ffeifar rithwir.
Preseli Penfro
Llafur; 4-6
Ceidwadwyr; 6-5
Plaid Cymru 6-1
Dem. Rhydd. 100-1
Sylw Karl; "Er bod Llafur wedi colli hon yn yr etholiad cyffredinol dwi'n eu ffafrio i'w cadw yn etholiadau'r cynulliad. Roedd yr ymgeisydd Llafur yn wan yn etholiadau San Steffan a dwi'n meddwl y gallai Llafur roi'r wasgfa ar Blaid Cymru i gadw'r Torïaid allan."
Sylw Vaughan; "Am y tro cyntaf dwi'n anghytuno â Karl. Dwi'n clywed canmol mawr i ymgyrch y Ceidwadwyr ym Mhreseli. Dwi hefyd yn meddwl bod pris Plaid Cymru yn rhy hael. Fe fyswn i felly yn mentro ffeifar yr un ar y Ceidwadwyr a Phlaid Cymru."
Golygydd Materion Cymreig y Â鶹Éç yn blogio'n rheolaidd ar faterion gwleidyddol Cymru.
SylwadauAnfon sylw
Dwi'n teithio trwy rhan o'r etholaeth yma bob dydd, ac o weld y posteri a phlacariau, plaid cymru yw'r plaid cryfa; ond nid posteri sy'n cyfri yn y diwedd yntefe (a Crymych a Blaenffos yw'r llefydd hyn). Y gwir yw Hwlffordd a Aberdaigleddau yw'r llefydd a fydd yn penderfynnu hi dwi'n credu, er dibyna hwn ar faint aiff mas i pleidleisio.
Dwi 'di clywed o le da mai sedd i'r Ceidwadwyr fydd hon.
Anghofiais i - £10 ar y Ceidwadwyr plis!
I ninau'r anghydffurfwyr syber a fedri di egluro sut bo sustem ods yn gweithio?!
Rhys, Aberystwyth
Oes rhaid i fi?
Yn y bôn yr ail ffigwr yw'r swm sy'n cael ei fetio. Os ydych chi'n proffwydo'n gywir cewch chi ei swm yna yn ôl ynghyd a'r ffigwr gyntaf.
Fe fyddai bet o bunt ar y Democratiaid Rhyddfrydol yn fan hyn, felly, yn golygu enillion o £101 ond fe fyddai'n rhaid mentro £4 ar Lafur er mwyn cael deg punt nol.
Mae angen i fi buro fy enaid!