Â鶹Éç

'S iomadh car a tha a' tighinn air poilitigs Ameireaga an-dràsta. Ach tha aon atharrachadh aig Dòmhnall Trump air deasbad adhbhrachadh mu ainm-àite – is e airson ainm Bàgh Mheagsago, atharrachadh gu Bàgh Ameireaga. Ach cò às a thàinig an ainm Ameireaga - is cò bh' ann an Amerigo Vespucci, a dh' fhàg ainm aige air?

Tha Dòmhnall Iain MacLeòid ann an California ag innse dha Cathy mu dheidhinn mar a tha cùisean sa stàit às dèidh nan teintean sgriosail - a chuir sgìre Palisades na smàl, dìreach deugachadh mhiltean air falbh bho far a bheil Dòmhnall Iain a' fuireachd. Ciamar a tha daoine a' faireachdainn mu na thachair - agus a bheil cunnart ann fhathast?

Agus 's e Ruairidh MacIlleathain cèiliche na seachdain - fear a th' air a dhol bho bhith na thidsear, gu bhith os cionn companaidh craolaidh, is e cuideachd ri sgrìobhadh agus bàrdachd. Eadar eachdraidh a theaghlaich, ceangalan is togail eadar Glaschu agus an t-Eilean Sgitheanach, criomag bàrdachd neo dhà, agus mar a rinn e dhachaigh anns a' Rubha mu dheireadh - 's iomadh sgeulachd is seanchas a th' aige dha Cathy.