Â鶹Éç

Tha Ùghdarras Teisteanasan na h-Alba air liosta ùr fhoillseachadh dè na pìosan lìtreachais a thathar air taghadh airson sgoilearan a tha dèanamh cursaichean Beurla National 5 agus Beurla aig Àrd Ìre. Chuala sinn bho Dòmhnall S Moireach mar a tha an dealbh-chluich Sequamur, a’ sgrìobhadh e fhèin, an luib na sgrìobhaidhean a chaidh a thaghadh as ùr . Thug a neach-teagaisg Catriona Dunn agus an sgrìobhaiche Shelagh Chaimbeul beachd air dè cho cudromach sa tha an liosta agus fhuair sinn cuimhneachain bhuapa air na pìosan litreachas a leugh iad fhèin nuair a bha iad san sgoil.

Tha prògram telebhisean ùr, air a seanail Discovery Plus a leantail beatha làitheil Jacob Rees Mogg 's an teaghlach aige. Tha Rees Mogg gu math aithnichte mar fhear a bha na bhall-pàrlamaid Tòraidheach. Bha an te-naidheachd Anna NicLeòid a' coimhead Meet the Rees-Moggs.

Bha Calum Steele, a bha na Àrd-Rùnaire air Caidreachas a' Phoileis an Alba, a' mìneachadh dè na laghan 's na riaghaltean a tha mu chuairt ghunnaichean 's an dùthaich.

Bha Magaidh NicDhòmhnaill air chuairt aig Eaglais Cholm Chille ann a Steòrnabhagh, 's iad a' comharrachadh 230 bliadhna.