Â鶹Éç

Tha sinn uile eòlach air an t-òran I Will Always Love You, tha leth cheud bliadhna ann bho chaidh a' sgrìobhadh le Dolly Parton. Tha feadhainn eile air an t-òran a’ chlàradh bho’n uairsin, Whitney Houston, Linda Ronstadt, LeAnn Rimes agus Sarah Washington nam measg. Dè is coireachd gu bheil cuid de dh’ òrain cho maireannach agus a cheart cho tarraingeach, as dèidh 50 bliadhna? Tha Cathy a'còmhradh ri dithis a tha gu mòr an sàs ann an saoghal a chiùil, Donnchadh Dòmhnallach agus Coinneach Stiùbhart.

Tha Casualty air a bhi air an telebhisean fad ochd bliadhna deug thar fhichead, 's e glè bheag againn nach fhaca Casualty aig àm air choireigin, agus ‘s e gle bheag againn nach eil eòlach air aon dha na prìomh charactaran - Charlie Fairhead. Dh'fhàg Derek Thomson a bha a’ cluich an caratar Charlie oidhche Shathairne. A bheil aon charatar a' fàgail a' toirt uiread de bhuaidh air prògram nach eil e an aon rud tuilleadh?

Tha Aonghas Pàdraig Caimbeul air ais, is e air a bhith a' rùileach tro thasglann nam pàipearean-naidheachd, a' sireadh sgeulachdan inntinneach agus annasach a nochd annta air an t-seachdain s' ann an eachdraidh. An-diugh obair an ola, Ciseorn, Bòrd Leasachaidh na Gàidhealtachd agus Rìgh a Bhuntàta.

Agus tha Micheal MacNèill a' minneachadh na thachair ann an eachdraidh Haiti a dh'fhàg gu bheil an dùthaich san t-suidheachadh èigeannach as a bheil i an-diugh.