Â鶹Éç

Dh'innis Seònaid NicDhòmhnaill dhuinn mu dhealbh a nochd air làrach Facebook bho chionn ghoirid, dealbh dè dh'iris Eilean an Fhraoich bho 1990. Air an duilleag-aghaidh, tha dealbh de thè a th' air a còmhdachadh ann an aodaich air a dhèanamh de Chlò Hearach. Chaidh an trusgan a dhealbhachadh leis an dealbhadair-aodaich Vivienne Westwood, agus bha e an lùib taisbeanadh a chur Ùghdarras a' Chlò Hearaich air dòigh ann an Steòrnabhagh. Tha an dealbh air nochdadh an-dràsta leis gu bheilear a' lorg an trusgain a chaidh a dhìth bho chionn iomadh bliadhna.

Tha taisbeanadh de dh'àirneis-taighe beag, bìodach, ri fhaicinn aig Lùchairt Windsor an-dràsta - an airneis a bh' ann an taigh-doile leis a' Bhanrigh Màiri 's a chaidh a chruthachadh bho chionn 100 bliadhna. Dè a' chuimhn' a th' agaibhse air taighean-doile agus dè an tlachd a bh' unnta 's a th' unnta fhathast?

Gach là an-dràsta, tha sinn a' faicinn dhaoine gan ceasnachadh agus a’ toirt seachad fianais aig rannsachadh Horizon Oifis a’ Phuist ann a Lunnainn. Ach cò ris a tha e coltach a bhith anns an t-seòmar sin, ga choimhead le do dhà shùil fhèin agus ag èisteachd ri gach facal? Tha an neach-naidheachd Shona NicDhòmhnaill air ùr thilleadh à Lunnainn 's tha i ag innse do Chathy mu dheidhinn.

B' e Calum Eòsaph Mac a' Phì, cèiliche na seachdain. Rugadh e ann an Dalabrog, an Uibhist a Deas ach tha e air a bhith a' tàmh air an eilean an ath dhoras, Beinn na Fadhla, a' mhòr chuid de bheatha. Bha e ag obair an cois an airm an Uibhist, aig a Hydro airson còrr air 40 bliadhna agus an-diugh, a' faighinn mòr-thlachd à bhith a' falbh le bhana a' leabharlann.