Â鶹Éç

Tha na buidhnean carthannais Cancer Research agus Action For Children a' comharrachadh a' mhìos seo mar Move More September 's iad airson daoine a bhrosnachadh gus barrachd eacarsaich a dhèanamh le bhith dol a-mach a choiseachd agus, aig an aon àm, airgead a thogail dha na buidhnean carthannais. Chuala sinn bho thriùir a tha gu math dèidheil air a bhith a' coiseachd mu na cuairtean a mholadh iad fhèin.

A rèir obair rannsachaidh, tha barrachd air a' chòigeamh cuid den aodach a th’ air a cheannach air-loidhne ann am Breatainn air a thilleadh air ais air sgàth 's meud an aodaich. Tha a' mhòr-chuid a' gearain nach eil meud no saidhs an aodaich a rèir na th' air a shannasachd. Fhuair sinn beachd bho fheadhainn a tha mìn-eòlach air aodach a chruthachadh agus a cheannach: a bheil iadsan air mothachadh gu bheil meud aodaich eadar-dhealaichte a rèir 's càìt an teid a cheannach?

Bha Seonaidh MacFhilip na Chèiliche na Seachdain. Rugadh is thogadh Seonaidh eadar A' Chomraich, Càrlabhagh agus Steòrnabhagh ach e air a bhith ann an iomadh dùthaich bhon uairson - Canada, an Eilbheis agus an Òlaind. Tha Seonaidh an-diugh na Urrasair aig Sabhal Mòr Ostaig, a tha comharrachadh 50 bliadhna mar cholaiste air an t-seachdain seo fhèin.

Chuala sinn mu Sheonaidh Caimbeul à Uibhist a Deas - Seonaidh mac Dhòmhnaill 'ic Bhàin (1859 -1945) à Baghasdal a Deas. Chaidh lorg fhaighinn bho chionn ghoirid air criomag comhraidh a chaidh a chlàradh còmhla ri Seonaidh ann an 1935. Tha sinn a' cluinntinn guth Sheonaidh fhèin ag innse seanchas agus bha Flòraidh Forrest à Tobair an Dualchais ag innse an tuilleadh mu dheidhinn fhèin agus mu cho luachmhor 's a tha a' chriomag seo.