Â鶹Éç

Anns an t-seirbheis cluinnidh sibh na laoidhean, salm agus na leughaidhean a leanas:
An còmhlan Cliar a’ seinn Salm 108.
Còisir Eaglais Naomh Barr a’ seinn ‘Seo an Gaol' agus 'S e ’n Tighearna Fhèin mo Chìobair’
Calum agus Catrìona Rothach a’ seinn 'Gum B’fhèarr Leam Ìosa'
Agus am buidheann Seinneamaid Còmhla ann an Stafainn a’ seinn ‘Tha Mo Chridhe Làn de Bhuidheachas’

Leughaidhean:
Isaiah 40: 18-31
Mata 6: 25-34

Thàinig Siùsaidh NicDhonnchaidh (no Siùsaidh Algie, mar a bh' oirre mus do phòs i) dhan Eilean Sgiathanach bho chionn 25 bliadhna nuair a bha i sia bliadhna deug. Dh'ionnsaich i Gàidhlig aig Ard-sgoil Phort Rìgh, 's chaidh i an uair sin gu Sabhal Mòr Ostaig. Bha i na neach-naidheachd air telebhisean agus rèidio airson ochd bliadhna deug, ag obair air prògraman leithid Telefios air Telebhisean Grampian agus Eòrpa is Aithris na Maidne air a' BhBC. Ghluais i a Shasainn ann an 2002 agus phòs i Mìcheal ann an 2005. Dìreach bliadhna às dèidh dhi pòsadh thàinig aillse broillich oirre, ach fhuair i seachad air.

Tha Siùsaidh air a bhith na Crìosdaidh fad 38 bliadhna, agus tha i ag ràdh "gu bheil Dia air rudan mìorbhaileach a dhèanamh na beatha". Bha i fhèin agus an duine aice, Mìcheal, a' fuireach ann an Lunnainn cho fad 's a bha Siùsaidh a' trèanadh airson na ministrealachd san Eaglais Bhaisteach aig Colaiste Spurgeon.

Fhuair i cead-searmonachaidh ann an 2017 agus bha i fhèin is Mìcheal, an duine aice, stèidhichte ann am Poole ann an Dorset far an robh i na ministear air Eaglais Bhaisteach Longfleet. Bho chionn ghoirid tha Siùsaidh, Mìcheal agus màthair Siùsaidh air gluasad a dh'Alba.