Â鶹Éç

Tha iomadach sgoilear air a bhith deasbad cò às a thàinig Fir-tàileisg Leòdhais. Tha an comadaidh seo stèidhichte san Taigh-tasgaidh Nàiseanta, a' meòrachadh chan ann a-mhàin air cò às a thàinig iad ach air càit' a bheil iad a' dol. Aon uair 's gun tèid na solais às 's gun fhios do dhuine, tha iad a' teicheadh 's gun fhios ach aig an dà phàn càit' a bheil dùil riutha. Chan eil ach aon rud ceàrr - chan eil sgeul air a' chòrr de na fir-tàileisg agus gun duine a bheir cead dhaibh gluasad, ciamar a nì iad an rathad dhachaigh?

Panalaf - Daibhidh Walker
Panolof - Iain Macrath

Stiùiriche - Muireann Kelly
Dealbhaiche Fuaim agus Deasachadh - Matt Padden
Ceòl - Pàdruig Moireasdan
Clàrsach - Malachy Arnold

Comhairlichean Dràma - Lynda Radley agus Iain Fionnlagh MacLeòid
Riochdaire sa stiùidio - Catrìona Mhoireach
Fuaim sa stiùidio - Sara Mattinson
Co-òrdanaiche a’ phròiseict - Rhona NicDhùghaill
Riochdaire - Annella Nicleòid
Coimiseanair - Calum McConnell

'S e cleasaiche agus sgrìobhadair a th' ann an Iain Macrath. 'S e Panolof Is Panalaf an siathamh dealbh-chluich aige agus e cuideachd air sgriobt airson fiolm goirid a sgrìobhadh do Theatre Nàiseanta na h-Alba agus dhan BhBC, a thuilleadh air cruinneachaidhean de bhàrdachd 's de rosg. Bhuannaich e Duais Dòmhnail Meek ann an 2017.

Chaidh ‘Rudeigin Ri Ràdh’ a choimiseanadh le Theatre Gu Leòr le taic bho Alba Chruthachail agus Bòrd na Gàidhlig ann an com-pàirteachas le Â鶹Éç Radio nan Gàidheal. Bhuannaich e duais na h-Ealain agus a' Chultur aig Duaisean na Gàidhlig am-bliadhna.