Â鶹Éç

Tha an glasadh sluaigh air buaidh a thoirt air iomadach gnìomhachas, ach tha aon fhear ann a tha air sìor-fhàs - 's e sin companaidhean a bhios a' postadh bèicearachd, agus rudan milis gu càirdean agus caraidean. Cluinnidh Cathy NicDhòmhnaill bho thè a tha a' dèanamh seo, agus gheibh sinn comhairle mu na rudan as fheàrr a mhàireas tron phost.

Chan eil fada gus am bi earrach againn, ach gach seachdain tron gheamhradh bhitheamaid ag iarraidh air aoighe innse dhuinn mu na cuairtean geamhraidh a bu bhrèagha air an robh iad. An-diugh, cuairtean ann an sgìre Obar Pheallaidh le Calum MacIlleathain.

Bha e na naidheachd mhòr an t-seachdain-sa gun do dh'fhàg Piers Morgan Good Morning Britain, agus dh'àdhbhraich e gu leòr a chòmhradh. Dè tha a dhìth oirnne bho phrògram naidheachdan telebhisein anns a' mhadainn? Agus dè nach eil sinn ’son fhaicinn a’ chiad char sa mhadainn?