Â鶹Éç

Air an t-seachdain-sa bho chionn deich bliadhna air ais, thoisich aimhreit shìobhalta air sraidean Tunisia a thug buaidh air An Ear Mheadhanach air fad. Mìnichidh Iain Mac a' Phearsain dè gu sònraichte a dh'adhbhraich An Arab Spring.

Air a’ chòigeamh làtha deug den Fhaoilleach 2001 chruthaich dithis de luchd tionnsgainn Ameirigeanach leabhar ioma-eòlais air an eadar-lìon. Thug iad Wikipedia air.
Bheir Dòmhnall Dòmhnallach dhuinn eachdraidh na làraich agus innsidh Caoimhin Ó Donnaile dhuinn mun adhartas a thathar a’ dèanamh le làrach Ghàidhlig Uicipeid.

Tha ceud bliadhna ann bho mheall dithis nighean òg an saoghal mòr le dealbh de shìthichean a thuirt iad a chunnaic iad aig bonn a’ ghàrraidh aca. Gheibh sinn beachd bho thrìuir, Catriona Lexy Chaimbeul, Calum Aonghas MacAoidh agus Catriona Mhoireach air mar a thug clann-nighean à Cottingley ann an Sasainn an càr as na eòlaichean thar bhliadhnaichean. Dè cho furasta sa bha e dealbh atharrachadh às aonais teicneòlas an là an-diugh agus mar a tha àite aig na sìthichean ann an dualachas nan Gàidheal.

Agus tha Aonghas Pàdruig Caimbeul a' toirt sùil dè bha anns na naidheachdan air an t-seachdain-sa ann an eachdraidh.