Â鶹Éç

Ma tha thu airson na h-uinneagan agad a sgeadachadh le bleideagan, ‘s urrainn dhut sin a dhèanamh ann an dòigh gu math sìmplidh.  

Feumaidh sibh:

Gliotar

Teip stiogach

Dà phoca plastaig (feumaidh sibh faicinn tromhpa)

Dealbh de bhleideag (faodaidh tu fhèin fear a dhèanamh no a lorg air an eadar-lìon) 

Glaodh PVA

Cè bearraidh

Flùr plèan

Dath bìdh (ma tha thu ag iarraidh dath a chur air na bleideagan agad)

Pìos pàipear no cairt

Siosar

Bior fhiaclan

¶Ùò¾±²µ³ó:

An tòiseach, feumaidh tu trì spàin bhùird cè bearraidh, aon spàin bhùird glaodh pva agus aon spàin bhùird flùr a mheasgachadh còmhla ann am bobhla.  

Faodaidh tu dath a chur ris ma tha thu ag iarraidh. Ma tha e ro thiugh, cuir barrachd glaodh ann no ma tha e ro fhliuch, cuir rud beag a bharrachd flùr ann.

Cuir e am broinn aon de na pocannan plastaig – gu aon oisean – coltach ri siùcar còmhdachaidh airson cèic agus fàg gu aon taobh e.

Air an duilleag phàipear, dèan dealbh de bhleideag – no clò-bhuail dealbhan dhiubh bhon eadar-lìon.

Le taic bho inbheach, geàrr mullach far a’ phoca plastaig eile.  

Cuir am pìos pàipear le na bleideagan na bhroinn agus cleachd an teip gus an cumail còmhnard.  

A’ cleachdadh bior fhiaclan, cuir toll ann an oisean a’ phoca plastaig anns a bheil am measgachadh agad – chan fheum e a bhith ro mhòr. 

Thèid thairis air na loidhnichean airson na bleideagan agus nuair a thu toilichte leotha – cuir còmhdach gliotar air muin na loidhnichean.  

A-nise, seo an rud as duilghe, feumaidh tu fhàgail a-nise airson co-dhiù ceithir uairean fichead ach ‘s dòcha ceathrad ‘s a h-ochd uairean gus an tiormaich iad.  

Nuair a tha iad tioram, crath air falbh an gliotar a bharrachd agus gu faiceallach tog iad bhon a’ phoca plastaig. A-nise, tha thu deiseil airson na h-uinneagan a sgeadachadh.  

Dh’ fhaodadh tu am measgachadh seo a chleachdadh airson cruthan eile cuideachd, ma tha thu a' dol ga fheuchainn, nach cuir thu fios thugainn agus seall dhuinn na rinn thu, aileag@bbc.co.uk