Â鶹Éç

Tha deasbad air a bhith dol ann am baile Mhanchester mu balla a chaidh a thogail ann an Gàrraidhean Piccadilly ann a 2002 leis an ailtire ainmeil Iapanach Tadao Ando. Cluinnidh sinn bho Iain MacDiarmaid gu bheil am balla, ‘The Berlin Wall of Manchester’ mar a tha air ainmeachadh anns a' bhaile, gu bhith air a leagail agus gheibh sinn beachd bho Màrtainn Mac a' Bhàilidh air an ailtire agus an obair-leasachaidh anns an robh e an sàs.

An àireamh 6 – Bho thàinig a' chiad ghlasadh air sluagh ri linn a’ Choròna-bhìoras tha sinn air a bhith a' cluinntinn nach fhaodadh barrachd air sianar a bhith a’ cruinneachadh còmhla aig an aon àm. Ach dè na nithean a tha sònraichte mun àireamh 6? Mìnichidh an t-eòlaiche saidheans Iain MacAonghais sin dhuinn.

Tha 100 bliadhna bho chaidh a' chompanaidh phlèanaichean Qantas a stèidheachadh. Innsidh an t-eòlaiche siubhail Daibhidh Byrne dhuinn an t-adhbhar a tha a' chompanaidh Astràilianach fhathast soirbheachail aig àm a tha companaidhean eile a' dol fodha. Agus gheibh sinn beachd air a' bhuaidh a tha a' Choròna-bhìoras a' toirt air na companaidhean adhair bhon phaidhleat Bill Innes agus an t-eòlaiche ionmhais Coinneach MacMhathain.

Tha Marie NicMhathain ag innse mun cheangal a tha aig Dolly Parton ri Moderna, companaidh a tha air banachdach Covid-19 a chruthachadh.