Â鶹Éç

‘S ann à Marabhaig ann a sgire nan Loch ann a Leòdhas a bha Murdanie Mast, Murchadh Daniel Ceannadach. Thainig am far-ainm Mast bho athar, Alasdair. Tha e coltach gur e duine caol, àrd ,dìreach a bh' ann agus cleachdadh aige bhith an còmhnaidh na sheasamh a-muigh air deac gach bàta air an robh e a-riamh. Thòisich daoine ‘g èigheach Am Mast air agus lean am far-ainm sin ris an teaghlach.

A' fàs suas aig an taigh ann an Uibhist bha Mairead NicIllInneinn a' cluintinn ainm Mhurdanie Mast glè thric ann a seanachas nabaidh dhi. Bha iad air bhith aig muir còmhla ‘s bha iad air sgeul a chumail air càch a chèile às dèidh làimh.

Mar sin, cha be ruith ach leum nuair fhuair i cothrom a dhol a cheilidh air an duine fhèin agus a bhean Louisa nan dachaigh ann a Marabhaig ann a 1989. Bha Murdanie air eòlas a chur air iomadh cearnaidh dhan t-saoghal ach ‘ s ann air bàt’ iasgaich ionadail, a Lady Marjorie a thoisich e, aig aois còig bliadhn’ deug.

Rinn Murdanie Mast iomadh òran cuideachd,’s iad a’ tarraing air iomadh cuspair bhon a' bheairt gu 'slimming club'. Bha leisg air fhèin ge-ta bàrdachd a ghàbhail orra agus ‘s dòcha gur e sin bu choireach nach robh mòran dhiubh aige air an sgriobhadh ach bha cuimhne aige orra fhathast airson an seinn, mar a fhuair Mairead a-mach.