Â鶹Éç

Ann a Leugh Mi tha Anna Nicleòid a’ còmhradh ri dithis gach seachdain mu na leabhraichean as fheàrr leotha. 'S iad Mairead Anna Beggs agus Megan Dale a tha a’ taghadh nan leabhraichean an-diugh.

Am measg an taghaidh aca tha sgeulachd gaoil stèidhte air a’ Ghàidhealtachd, stòiridhean èibhinn agus ficsean òigridh.

Nuair nach eil Mairead Anna Beggs ag obair mar cheannard air seirbheis-taice am Barraigh ’s caomh leatha a bhith a' leughadh. ’S e leabhar ionadail a tha i air a thaghadh le ‘Tales from Barra: As Told by The Coddy’.

’S ann à Cunndainn ann an Siorrachd Rois a tha Megan Dale, agus tha i ann an Oilthigh Dhùn Èideann a’ dèanamh ceum ann an Gàidhlig agus Eachdraidh Albannach. ‘S e eachdraidh-beatha Jo Cox, ‘More in Common’ le Brendan Cox aon de na leabhraichean aig Megan.

Tha iad cuideachd a' toirt leabhar do chàch a chèile airson a leughadh, ach le diofar stoidhlean agus gnè, ciamar a tha iad a' faireachdainn mun a’ mholadh aca?