Â鶹Éç

A bheil e gu diofar ciamar a chì thu fiolm? A-rèir Mhàrtainn Scorsese tha e gu diofar, agus e ag iarraidh air daoine a’ film aige a choimhead air an telebhisean no anns na taighean-dealbh, seach air a’ fòn aca. Ach an e fabhtas no gòraiche a tha sa bheachd seo? Tha Catrìona Lexy Chaimbeul, Mìchael Hill agus Alison Nic an Tòisich a’ cagnadh air a’ cheist.

Chaidh muc-mhara a lorg air an tràigh anns na Hearadh an t-seachdain sa chaidh, is e a-nise air a thiodhlacadh fon ghainmheach. Ach dè seòrsa muc-mhara a bh’ ann dheth, agus a bheil a’ leithid de bhiast cumanta neo tearc nar n-uisgeachan?

Tha Tommy MacAsgaill ann an Lunnainn a’ mìneachadh eachdraidh Thalla nan Iasgairean, an togalach san robh ionnsaigh-ceannairc bho chionn beagan làithean. Dè tha Talla nan Iasgairean a’ dèanamh an teis-mheadhain baile Lunnainn?

Agus sreath ùr le Aonghas Pàdraig Caimbeul, is e air corra naidheachd annasach a thachair air an latha seo ann an eachdraidh a thaghadh. Eadar a’ Marie Celeste agus Eilean a’ Scarp, ’s iomadh rud a thachair air an treas latha dhen Dùbhlachd nar n-eachdraidh. coinneach@bbc.co.uk