Â鶹Éç

Tha farpais nan Deamocratach ann an Ameireaga a’ dol am meud – agus iomadach duine a’ feuchainn ri bhith nan tagraiche son taghadh a’ chinn suidhe 2020. Ach fiù ’s an-dràsta, tha ainmean ùra a’ nochdadh. Còmhla ri Bernie Sanders, Joe Biden, Ealasaid Warren is iomadach neach eile, tha fathannan a-nise a’ dol gu seas Mìcheal Bloomberg. Ach cò e? Tha Mìcheal MacAoidh a’ toirt beachd seachad à Virginia.

Chaidh craobh a lorg ann an New Zealand a bha beò o chionn 40000 bliadhna – agus a dh’fhàs gu aois 1500 bliadhna. Tha e coltach gu bheil fianais an cois na craoibhe air atharrachadh àraid adhbharachadh ann am feachdan magnaiteach na cruinne. Agus tha Murchadh Peutan a’ mìneachadh a' ghnothaich dha Coinneach.

A bheil cus a’ dol ann am meadhan baile Dhùn Èideann? Eadar a’ Bhliadhn’ Ùr agus Fèis Dhùn Èideann, tha meadhan a’ bhaile loma-làn. Ach a bheil seo a’ cur cais air na tha fuireachd ann? Cluinnidh sinn bho thriùir de mhuinntir a' bhaile: Ruairidh Dòmhnallach, Elspeth Turner agus Mairead NicSuain.

Agus dè dìreach a bh’ anns an airgead didseatach OneCoin? Agus carson a tha e air rannsachaidhean eadar-nàiseanta, casaidean foill agus connspaid gu leòr adhbharachadh chun a’ latha an-diugh? coinneach@bbc.co.uk