Â鶹Éç

Air an 6mh den Ògmhios 1944, thill feachdan Bhreatainn agus Ameireagaidh dhan Fhraing, às dèidh a bhith an Ceann a Tuath Afraga agus san Eadailt, gu cladaichean Normandy. B’ e seo D-Day – an oidhirp bu treise airson ruaig a chur air na Gearmailtich agus an grèim teann a bh’ ac' air iar-thuath na Roinn Eòrpa a bhriseadh .

Bha na Gearamailtich air cùisean a dhèanamh cha mhòr do-dhèanta dhaibh. Bha an costa air a dhìon leis an Atlantic Wall; na mìltean de shaighdearan, gunnaichean mòra, mèinnean agus tòrr chnapan-starra eile a bh’ air an stèidheachadh bhon Òlaind, sìos costa na Frainge, cho fada deas ri crìochan na Spàinn. Bha làn dhùil aig na Gearamailtich ri ionnsaigh air costa na Frainge – ach cha robh càil a dh’ fhios aca càit’ no cuin a thigeadh i.

Bha feachdan a' chaidreachais air a bhith deasachadh airson còrr ‘s bliadhna airson a thighinn air tìr anns an Fhraing; a' rannsachadh gu dè an t-ait’ a b’fheàrr air a shon agus a' feitheamh air an àm ceart a thaobh a' làn agus solas na gealaich.

Cha deach ullachadh cho mionaideach a dhèanamh a-riamh roimhe le còrr air trì millean saighdear air cruinneachadh ann an ceann a deas Shasainn, a’ treànadh, a’ deasachadh agus a’ feitheamh ris an òrdugh falbh.

Sa phrògram sa aig Dòmhnall Macleòid bho 2005 cluinnidh sinn mar a thachair.