Â鶹Éç

An-diugh ’s e Coinneach Mac a’ Ghobhainn a tha sa chathair. Dè th’ ann an laghan coire – agus cò a dh’fheumas pàigheadh nuair a bhios luchd-leantainn a’ bhuill-coise ag adhbhrachadh buaireadh? Mìnichidh an tè-lagha Magaidh NicAoidh na ceistean a tha a’ cuairteachadh lagh dhen leithid.

Chunnaic gu leòr againn fiolmaichean ainmeil mar Jaws mu dheidhinn cearbain a’ toirt ionnsaigh air luchd-snàmh. Ach le Blue Planet air an telebhisean an-dràsta a’ bruidhinn air cearbain, a bheil iad air droch chliù fhaighinn gun adhbhar? Tha an t-eòlaiche bheathaichean Eòghann MacCoinnich còmhla rinn airson innse mun chearban.

Tha an t-Oll Dòmhnall Uilleam Stiùbhart a’ beachdachadh air dìleab Herodotus, agus bàta annasach air an tug an eachdraiche Greugach iomradh o chionn 2500 bliadhna ga lorg air grunnd Abhainn Nile. An robh esan cuideachd a’ faighinn droch chliù, leis gu bheil daoine air a bhith teagmhach mu na sgrìobhaidhean aige?

Agus carson a tha ceòl ann am fiolmaichean cho cudromach agus cho èifeachdach?

bbc.co.uk/Coinneach