Â鶹Éç

Anns an t-seirbheis cluinnidh sibh na sailm agus an leughadh a leanas:
Salm 23: 1-2 air fonn Free Church agus ‘s e Aonghas Dòmhnallach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 34: 18-19 air fonn Coleshill agus ‘s e Calum MacLeòid a tha os cionn na seinn le taic bho choitheanal Eaglais Shaor Chàrlabhaigh .
Salm 130: 7-8 air fonn Kilmarnock agus ‘s e Alasdair MacLeòid a tha os cionn na seinn le taic bho choitheanal Eaglais Shaor Shnìosoirt

Leughadh : Eòin 10: 14-30
Ceann-teagaisg Eòin 10:28

Chaidh an t-Urramach MacLeòid a phòsadh ri coitheanal a' Bhac san Lùnastal 2010. Roimhe sin, bha e na mhinistear ann an Eaglais Shaor Bharabhais an Eilean Leòdhais.

Mus deach e steach airson na ministrealachd, bha e na mhanaidsear air Pròiseact Urras Choimhearsnachd Chalanais agus nan Geàrranan air taobh siar Leòdhais.

'S ann do dh'eilean Sgalpaigh a bhuineas Calum Iain, agus thàinig e gu bhith na Chrìosdaidh nuair a bha e trì bliadhna deug a dh'aois. Tha e fada an comainn an Urramaich Alasdair Mac a' Ghobhainn, a bha na mhinistear ann an Eaglais Shaor Sgalpaigh aig an àm, airson an taic agus an stiùireadh a thug e dha na òige.

Tha e pòsta aig Dina agus tha triùir chloinne aca, Anne Marie, Rachel Kate agus Eilidh. Nuair a gheibh e ùine dha fhèin, 's toigh leis a bhith ag iasgach, a' coiseachd agus a' coimhead eunlaith.