Â鶹Éç

Bha Tormod MacArtair à Càrlabhagh, neo Am Brot mar a b' eòlaich daoin’ air, ri obair luingeis air cidhe Steòrnabhaigh airson còrr is dà fhichead bliadhna. Ron a sin bha e deugachadh a bhliadhnaichean air feadh Alba anns an t-Seirbhis Chatharra agus thug e cuideachd dà bhliadhna anns an arm ann a Sasainn ‘s an Èirinn a’ dèanamh a Sheirbhis Nàiseanta. Agus thug e fad' a bheatha, cha mhòr bho thàinig e dhan an t-saoghal ann a 1938, a’ leantainn neo a’ cluiche ball-coise agus raon-cluiche sgioba Chàrlabhaigh còmhnard mu choinneamh an taigh anns na rugadh ‘s na thogadh e air Sràid Sheumais.

Cha robh roghainn aig clann a bha dol a Sgoil Steòrnabhaigh à Càrlabhagh an uair ud ach a bhith a' loidseadh neo anns a' hostail. 'S e saoghal eile a bh' ann a Steòrnabhagh agus a' hostail an uair sin an taca ri bailtean na tuath, ged nach biodh ann ach an cothrom a bh' aig balach ball-coise a chluich. Ach bha ana-cothrom ann cuideachd.

Às dèidh na sgoile agus, mar a thuirt e fhèin, 'hat-trick de chompensatory lowers' fhaighinn ann a Laideann, bha Tormod deiseil aghaidh a chur air an t-saoghal. Ach càit' a robh e a' dol a stiùireadh? Gheibh sinn a-mach na chòmhradh ri Annella Nicleòid.