麻豆社

Nia Roberts yng nghwmni dau gyd-ddramodydd, Meic Povey a Branwen Cennard, wrth i'r ddau nodi ugain mlynedd o gydweithio er mwyn cynnig dihangfa ac adloniant i wylwyr S4C.

Wrth sgwrsio yng nghartref cwmni teledu Lluniau Lliw yn Nhreganna, Caerdydd, mae Nia'n clywed am briodas greadigol y ddau. Mae'n syndod ei bod hi wedi digwydd o gwbl ar 么l i adolygiad anffafriol gan Branwen bechu Meic am flynyddoedd, ond daeth y ddau i ddeall ei gilydd. Mae'r naill yn dibynnu ar y llall, ac yn gorfod ymddiried yn ei gilydd a bod yn gwbl onest yng nghwmni ei gilydd er mwyn i'w dram芒u gydio.

Mae'r dylanwadau ar hyd y blynyddoedd yn cynnwys Meic yn gweld rhai o olygfeydd The Inn of the Sixth Happiness gydag Ingrid Bergman yn cael eu ffilmio yn Nantmor ger Beddgelert, a Branwen yn cael profiad ysgytwol wrth weld Bargen gan Theatr Bara Caws yn ei harddegau.

Mae Branwen hefyd yn cydnabod dylanwad aruthrol John Owen arni fel disgybl yn Ysgol Gyfun Rhydfelen, ac yn siarad yn agored am y mynydd sydd yn dal o'i blaen wrth geisio delio ag ymchwiliad cyhoeddus yn dod i'r casgliad nad oedd unrhyw amheuaeth iddo gamdrin rhai disgyblion yn rhywiol.

Un o gyfnodau tywyll Meic oedd colli Gwenda, ei wraig, ac mae'n dweud wrth Nia fod Branwen wedi bod yn gefn mawr iddo yn ystod ei salwch.

Mae'r sgwrs yn digwydd yn ystod cyfnod o weithio ar ail gyfres Byw Celwydd.