Â鶹Éç

Annns an t-seirbheis an-diugh cluinnidh sibh an t-Urr Tomaidh MacFhionghain a’ searmonachadh.

Anns an t-seirbheis cluinnidh sibh na sailm agus an leughadh a leanas:

Salm 36: 9-10 air fonn Coleshill agus ‘s e Iain Ailig MacLeòid a tha os cionn na seinn le taic bho Choitheanal Eaglais Shaor Ùige san Eilean Sgiathanach.
Salm 98: 1-2 air fonn London New agus ‘s e Eòin Dòmhnallach a tha os cionn na seinn le taic bho Choitheanal Eaglais na h-Alba ann am Port Rìgh.
Salm 103: 5-7 air fonn Torwood agus ‘s e Iain MacFhionghain a tha os cionn na seinn le taic bho Choitheanal Eaglais na h-Alba ann am Port Rìgh.
Leughadh: Ieremiah 18: 1-11
Ceann-teagaisg: Ieremiah 18

'S ann às an Aodann Bhàn, san Eilean Sgiathanach, a tha Mgr MacFhionghain agus chaidh e gu Àrd-sgoil Phort Rìgh gus an robh e còig deug. Às dèidh an sgoil fhàgail, fhuair e obair a' càradh innealan.
Phòs Mgr MacFhionghuin a bhean, Julia, ann an 1975 agus bha triùir chloinne aca, dithis bhalach agus nighean, agus a-nise tha dithis òghaichean aige.
Às dèidh tubaist le càr ann an 1984, cho-dhùin Mgr MacFhionghain gun robh e dol a dhèanamh foghlam aig àrd-ìre agus thill e air ais dhan sgoil ann an 1989/90 far an d'fhuair e teisteanas ann an Gàidhlig, Beurla agus Nuadh-Eòlas. Dh'aontaich Eaglais na h-Alba a ghabhail airson trèanadh a bhith na mhinistear agus chaidh e gu Oilthigh Obar Dheathain.
Bha Mgr MacFhionghain na mhinistear ann an sgìre Earra Ghàidheal airson dà bhliadhna agus an uairsin chaidh e a dh'Uibhist a Tuath far an robh e seachd bliadhna, agus às an sin gu Siorrachd Rois, far an robh e na mhinistear ann an Cille Mhoire agus Lagaidh Eararaidh. Tha Mgr MacFhionghain an-diugh a' searmonachadh ann an coitheanalan san Eaglais Shaor agus ann an Eaglais na h-Alba.
Tha ùidh mhòr aig Mgr MacFhionghain ann an innealan, gu h-àraidh ann am motair-baidhsagalan, ged nach bi e a' dèanamh na h-uimhir leotha a-nise.