|
 Cwrs
hyfforddi i raddedigion
Oed:
23
Coleg
neu Brifysgol:
Coleg yr Iesu, Rhydychen.
Mi
wnes i astudio ar gyfer BA mewn Daearyddiaeth.
Mi wnes i'r cwrs oherwydd 'mod i wastad wedi
ymddiddori mewn materion 'real' fel astudiaethau
datblygu yn Affrica a'r dwyrain Canol, ac mewn
pynciau tramor ac egsotig eraill.
Swydd
bresennol:
Hyfforddiant i raddedigion, cynhyrchu rhaglenni,
Â鶹Éç Cymru. Fy nod yw bod yn gynhyrchydd/cyfarwyddwr
rhaglenni teledu ffeithiol sy'n ymwneud â theithio
neu antur.
Mi
wnes i weld yr hysbyseb ac roedd y cynllun yn
edrych yn ddiddorol, felly mi wnes i gwblhau
ffurflen gais. Mi ges i ddau gyfweliad ac mi
fues i ar ddiwrnod asesu cyn cael fy mhenodi.
Roedd y cyfweliadau'n ddidrafferth, ond roedd
y diwrnod asesu yn canolbwyntio ar waith tîm
a datrys problemau. Mi ges i un ysgytwad yn
y cyfweliad olaf pan wnes i sylweddoli nad oeddwn
i'n gwybod digon am y diwydiant. Roedd yna tua
400 o raddedigion yn trio am 3 lle, felly roedd
yna gryn bwysau.
Sut
brofiad yw e:
Dwi ar 4 lleoliad sy'n para 3 mis yr un yn Â鶹Éç
Cymru. Hyd yma, dwi wedi gweithio ar Â鶹Éç Choice,
oedd yn wych. Roedd y tîm yn fach ac roedd digon
i'w wneud, ac mi ges i gyfle i gael llawer o
brofiad ymarferol ar raglen o'r enw 'The Wrap'.
Roedd fy ail leoliad i gyda Â鶹Éç Ar-lein, lle
dwi wedi bod yn gweithio ar ddatblygu tair gwefan
newydd, dwy ar gerddoriaeth a'r llall ar gyfer
pobl ifanc.
Y
peth gorau:
Y peth gorau yw eich bod chi'n cael gweithio
ar ystod o raglenni, gan ddysgu sut maen nhw
i gyd yn gweithio. Wrth edrych yn ôl, dwi'n
sylweddoli cyn lleied oeddwn i'n ei wybod am
sut mae'r cyfryngau'n gweithio. Mae hefyd wedi
bod yn braf cael cyfrannu at yr hyn sy'n mynd
ar yr awyr, a gweld fy enw ar ddiwedd y rhaglenni!
Y
peth gwaethaf:
Dim digon o wybodaeth am berthynas pawb o fewn
y cyfryngau, a'r strwythur yma, sy'n golygu
weithiau nad ydw i'n siwr iawn pwy sy'n gwneud
pa waith!
Cyngor:
Nid y radd rydych chi'n ei hennill sy'n bwysig,
ond y sgiliau gewch chi yn ei sgîl. Mae hefyd
yn braf medru siarad am bethau eraill rydych
chi wedi'u gwneud, fel bod pobl yn medru gweld
bod gennych chi fywyd y tu hwnt i'r brifysgol.
Yn fy nghyfweliad, mi wnes i siarad llawer am
fy nheithiau i Nepal, India a Dwyrain Affrica.
Dwi hefyd yn hwylio, ac yn trefnu nosweithiau
mewn clybiau.
Er
bod cael profiad yn beth da, mae'n llawn mor
bwysig i chi feddwl am syniadau sydd mor uchelgeisiol
â phosibl, a does dim raid iddyn nhw bob amser
ymwneud â'ch maes gwaith. Defnyddiwch eich profiadau
eich hun i gyflwyno syniadau, a byddwch yn wreiddiol.
|
