Bu T Llew Jones yn sôn sut y bu iddo bron a chael ei daflu allan o'i lety blwyddyn ei Gadeirio yn Eisteddfod Glynebwy - am iddo gymryd llymaid o ddiod feddwol!
Yn cael ei holi gan Dei Tomos ar gyfer Â鶹Éç Radio Cymru dywedodd ei fod ef ag Alun Cilie yn aros yn yr un tÅ·.
Arogl diod ar eu gwynt!
Ond pan ddychwelodd y ddau i'r ty ar ôl bod allan am lymaid chafodd y ddau ohonynt fawr o groeso gan wraig y tŷ, ac yn arbennig gŵr oherwydd bod arogl diod ar eu gwynt!
Ond a hithau'n gyda'r nos cymerwyd trugaredd arnynt a chaniatáu iddynt aros tan y bore o leiaf.
Y diwrnod canlynol oedd dydd y cadeirio a phwy oedd yn y gynulleidfa ond y gŵr a'r wraig.
O ganlyniad cafodd T Llew ac Alun Cilie dipyn gwell croeso ar eu haelwyd y noson honno.
Yn wir dywedodd T Llew, wedi'r sgwrs, i ŵr y tŷ ddweud wrtho, "You are a better man than I am" gan ychwanegu y byddai'n goddef iddo gael llymaid y noson honno i ddathlu!
'Hen job'
Yn ystod y sgwrs datgelodd y prifardd a enillodd y gadair eto'r flwyddyn wedyn yng Nghaernarfon nad oedd yn hoff o sgrifennu awdlau gan ddisgrifio'r orchwyl fel "hen job".
Ychwanegodd mai cyfansoddi cerddi plant a roddai'r pleser mwyaf iddo gan ddweud ei fod "yn teimlo yn fy nghalon" pan yn sgwennu i blant ond nid bob amser pan yn sgrifennu pethau eraill!
"Pan dwi'n sgwennu i blant dwi o ddifrif," meddai.
Soniodd hefyd am ei englyn i'r Ceiliog Gwynt - englyn, meddai, "y bu beirniadu mawr a dweud pethau cas amdano".
