Chwilio am feirdd!
Un sydd yn ei elfen yn eisteddfodau ardaloedd y de ddwyrain ydi Dafydd Islwyn Ysgrifennydd Cymdeithas Barddas - yr oedden ni yn yr ysgol efo'n gilydd ond stori, os nad straeon, arall yw hynny.
Hon, yng Nglynebwy, lle mae'n gadeirydd y Pwyllgor Llên, yw'r bedwaredd iddo gael ei recriwtio ar ei chyfer - gwelodd wasanaeth yng Nghasnewydd 1988, yng Ngwm Rhymni 1990, wedyn yng Nghasnewydd eto 2004 ac yn awr ym Mlaenau Gwent.
Ar hyn o bryd, yn ogystal a llywio pwyllgor llên, mae o ym mhen ei helynt yn paratoi casgliad o englynion buddugol yr Eisteddfod Genedlaethol yn yr ugeinfed ganrif.
Cyfrol i ddilyn Cant o Englynion a fu'n hynod boblogaidd.
Ond cyfaddefodd ei fod mewn rhywfainty o drafferth dod o hyd i hanes dau fardd y mae'n cynnwys eu gwaith yn ei gyfrol newydd:
Eldon a fu'n fuddugol yn Y Barri yn 1920 a J W Jones a fu'n fuddugol yng Nghastell-nedd 1934.
"Yr oedd Eldon yn byw yn Llundain, dwi'n deall, ond ar wahân i hynny ychydig iawn o wybodaeth sydd amdano fo a J W Jones," meddai Dafydd.
Os gwyddoch chi amdanynt anfonwch i ddweud . . .
Neu piciwch draw i weld Dafydd - fe fydd ym mhabell Barddas - neu yn y Babell Lên sydd gyferbyn. Lleoli sy'n golygu ei fod yn ei seithfed nef . . .
